insumansumane inganekwane uhlobo oluthile lwenganekwane ezinhlotsheni eziyisihlanu zezinganekwane esinazo sizokuchazela ngayo lapha ngezansi

Yini Insumansumane, insumansumane explained

Insumansumane kujwayeleke ukuba yindaba engakholakali, ikakhulukazi yezilwane ezincane ezihlakaniphile ezedlula ezinkulu ngamasu, inganekwane lena iyaba izilwane kuphela , kuyenzeka iba izilwane kanye nabantu, kuyenzeka ibe abantu kuphela futhi kulenganekwane. Inhloso yensumansumane ukujabulisa abantu abasuke beyithamele.

Izinhlobo zensumansumane

Insumansumane akulona uhlobo ololudwa lwenganekwane, kodwa iyaqhamuka ngezindlela ezahlukene, inabalingiswa abangafani ,nazi izinhlobo zenganekwane eyinsumansumane.

Enabalingiswa abangabantu kuphela
Enabalingiswa abayizilwane kuphela
Enabalingiswa abangabantu kanye nezilwane
Enababalingiswa abangamazimuzimu (abantu abasasilwane abadla abanye abantu)
Enabantu abanamandla angakholakali (superpowers)

Ukufunda ngezinganekwane

Izinhlobo zezinganekwane:

Inganekwane zulu example

Inganekwane kaNogwaja nebhubesi

Kwasukasukela, kwakukhona izilwane, lezilwane zaziphethwe yibhubesi elinonya. Lelibhubesi lalingenandaba nezinye izilwane, lidla izilwane, libulala, lizingela noma singekho isidingo. Kwathi ngenye imini uNogwaja ezilulela izinyawo nje wabona izilwane zibambe umhlangano, Kwakuzwakala ukuthi azeneme nakancane wasondela uNogwaja wabeka indlebe, wezwa ukuthi kukhulunywa ngebhubesi elinonya. Wahleka wazibuza izilwane wathi, "Niyazi nje ukuthi lelibhubesi enilisaba kanje yihhashi lami. Ngiyaligibela noma inini mina ibhubesi, liyintwana lapha kimi" Zaphika izilwane zisho ukumudla luhlaza uNogwaja.
Wabesethi uNogwaja zonke izilwane mazihlangane ngosuku oluthile lapho uNogwaja uzobe egibele khona ebhubesi elishaya ngenduku ukuze izilwane zizozibonela. Kwadlula izinsuku, indaba yalokhu ixoxwa kuzozonke izindawo lakuhlangene khona izilwane.
Kwandlula izinsuku izilwane zonke sezazi ngisho nebhubesi elinonya imbala. Izilwane zazilisaba ibhubesi indaba yafika kwibhubesi kwathiwa uNogwaja wobe egila izimanga, akushiwongo ukuthi wobe enzani ngempela. Hlobo luni lwezimanga. Lafika usuku elingaliyo, Ibhubesi elinonya lalinda lalinda nezilwane litho ukufika uNogwaja ozobe egila izimanga. Labeselithi ibhubesi lizoziyela lona emzini kaNogwaja liyomlanda ukuze azoqhubeka phela nombukiso akade ewusho.
Lahamba-ke ibhubesi. Lathi lifika ibhubesi lezwa kukhona okhalayo endlini kaNogwaja. Nguye uNogwaja uyagula, ulele phansi, akakwazi ngisho ukuhamba. "Nkosi ngigula kakhula angikwazi ukuzihambela ngcono ungibelethe" Yayingekho enye indlela lambeletha ibhubesi elinonya. Wagibela phezulu ebhubesini uNogwaja, bangena indlela, Bathe besahambe kancane uNogwaja wacela ukuthi ibhubesi likhe uswazi ngoba kunezimpukane ezilokhu zihamba kwinkosi yezilwane uNogwaja ufuna ukuziphebeza lezimpukane,
Nangempela ibhubesi limunike uswazi uNogwaja. Kuthe sebezofika uNogwaja walinenebula ngoswazi ibhubesi zabuka izilwane ligijima ibhubesi. Wahleka uNogwaja wathi "ngangitheni kunina? Nganitshela ukuthi ibhubesi ihhashi lami, ngiyaligibela, ngenze noma yini". Lathukuthela ibhubesi. Wadla phansi uNogwaja (wabaleka), izilwane zasala zikhexile, zimangaliswe yisimanga sikaNogwaja.
Namanje nanamanje lezilwane ezimbili kazibhekani.
Cosi Cosi iyaphela

Inganekwane kaNogwaja nendlovu

Kwasuka sukela! Kwakukhona uNogwaja, loNogwaja wawukhuthele Khalulu uNomngani indlovu ogama lakhe kwakuwu Njovu. UNjovu lona uyivila, Njalo uKhalulele wayeya kolima, atshele indlovu ukuthi bamahambe kodwa yenqabe indlovu, beqe izilalele.
Zavuthwa izitshalo zikaKhalulu, uNjovu wavukwa umhobholo, wahamba wayokweba amathanga kaKhalulu. Uthe efika esivandeni ekuseni uKhalulu abone ukuthi cha kukhona obedla ukudla kwakhe.
Wathukuthela kakhulu uKhalulu wagoduka, nangakusasa futhi aphinde abone ukuthi bekufike isela latshontsha la, Wacabanga iqhinga wathatha ithanga elihle kakhulu, Wayelindele ukuthi lizothi malifika likhangwe yilona.
Wavula imbobo wangena phakathi kulelithanga ephethe umbese , izinkuni nesigumbu, Wangena wahlala walinda isela . Nembala laqhamuka lihamba liqalaza , lakhangwa ilelithanga elihle kunamanye, wabe eselimimilita wabhodla esesuthi.
Kuthe esathi uthokoza emva kokudla ithanga elimnandi, ezwe umsindo wesigubhu . Wabaleka uNdlovu wezwa nesisu siba buhlungu, uNogwaja useyabasa umlilo lapha esiswini sendlovu, Yayithi uma ithi iyaphumula indlovu asishaye kakhulu isigubhu ukhalulu esiswini, iqale phansi ibaleke, yabaleka yaze yaphelelwa amandla yawa yafa kanjalo. Wasika isisu sayo waphuma uNogwaja ejabulile kakhulu ngokubamba isela.
Cosi cosi iyaphela